حب .. وحيرة .. وغيرة

نادت عليٌ الشمس تشكو مايضايقها
فأجبتها ولشكواها سمعت
قالت: لماذا الناس ملهمون بالقمر؟؟
وعني غافلون؟؟
فسكـــت
قالت:وكيف وأنا أملأ الآفاق بضيائي
والنجوم بنوري قد إحتجبت؟؟
قلت:أما يكفيك حب الناس لكي؟
عن الشروق والغروب قد كتبت...
قالت: ومالي بالكتابة وكيف لي..
أن أشعر بالحب إذا اقتربت؟
قلت: فالحب ليس بالقرب وإنما...
يكون حيٌا في القلوب إن سُإلت..
قالت: علمتني معناً لم يجول بخاطري..
ولحبي المدفون قد اظهرت..
احبتني فاقتربت مني لتحضنني..
فمن شدة حرارتها صرخت..
قالت: علمت الآن لماذا الناس ينسوني..
وأني بدفئيَ الكون قد ملأت..
سوف أرحل دون ان أعود ثانيةً..
فقد عرفتُ الحب.. وللحبيب اعطيت..
قلت: لا.. لا تذهبي ياشمسي..
فمن ياتُرى يدل الناس إن ضلت؟؟
قالت: قد نسوْني وأنا فوق الأرض شامخة
فهل سيذكرني الناس بعد أن إختفيت؟؟
قلت: فأنت الناس والنور والحب ..
وبعدك الحياة ُ قد إنتهت..
قالت: وكيف أعود وقد بدأت بالسفر..
ولرحالي قد شددت ؟
قلت: فلقاؤنا غداً فالصبح آتٍ..
وأنتِ لن تخذليني ماحييْت..
قالت: سوف آتِ فجر كل يومٍ..
فإني.. والله قد وعدت...

إعتذار

أعتذر عن طول غيابي لظروف خارجة عن إرادتي
ولكن سنكمل معا طريقنا
أكرمكم الباري

حسبنا الله ونعم الوكييل في اليهود

حسبنا الله ونعم الوكيل في الحكام العرب

حسبنا الله ونعم الوكيل في العملاء والخونة

انا بجد مصدومة من اللي حصل في غزة

بجد مكنتش متخيلة اني هشوف مجزرة شرسة بالمنظر ده

صور الشباب جثثهم في الشوارع مالياها

صور رجال الإسعاف وهما من كتر الصدمة واقفين مش عارفين يشيله مين وينقذه مين

صور البييوت اللي اتهدمت لناس ملهمش ذنب غير انهم عايشين في أرضهم

عايزه اعرف الحكام ساكتين ليه؟؟

خايفين اقتصادهم يدمر لما يوقفوا تصدير البترول والغاز لإسرائيل وأمريكا؟؟

خايفين ماما اميريكا تزعل منهم؟؟

لحد امته هنعيش في ذل وتخاذل؟؟

لحد امته يا أزهر هتفضل ساكت؟؟

لحد امته ياشباب هتفضلوا مغيبن وجاهلين؟؟

عايزة انتفاضة في الشارع العربي وخصووصا المصري

حتي لو توصل لسجون ماهو ياما في فلسطين اتسجنوا

حتي لو وصلت للدم ماهوا ياما في فلسطين ماتوا بدون ذنب؟؟

نفسي كل واحد يحس ان أخوه اللي مات ان أمه اللي اتهانت ان اخته اللي إتشردت

بجد لو كل واحد حس ان اللي هناك اهله بجد مظنش انه هيعيش في البرود ده ولا الإبتسامة هتعرف لوجهه طريق

وبدأت المذاكرة......

في كل مرحلة من مراحل الدراسة تنتهي كل سنة منها بحرب ضروس _أقصد إمتحانات_ يخوضها الطلاب مع الكتب والأقلام
ودائما ماتأتي التجليات العظيمة في تلك الفترة... يعني لازم الواحد يفكر في مستقبله وماضيه والناس اللي حواليه وتجيله أفكار جديدة وكثيرة عن أي حاجه وفي كل حاجه...

طبعا الطالب العبقري _وطبعا كل الطلبة عبقريين_ بيرمي الكتاب على جنب ويقعد يدون أفكارة اللي بتجيله أثناء المذاكرة
عشان بعد الإمتحانات يبدأ في تنفيذها ...

فضلا عن ذلك بيدأ معسكر المذاكرة... يعني مفيش حاجه أطلع غلي فيها غير الأكل.. يعتبر باكل أكتر من 5 مرات في اليوم كل ده عشان مفيش حاجه قدامي غير الأكل

غير بقى الصداقة اللي بتنزل مابين الإخوات لو بذاكر مع أخواتي أو مابين الصحاب
وكل واحد بيحكي اللي مدايقه في الجامعة وفي البيت ومين راح ومين قال ومين عاد...

وكل ده بقول بدأت المذاركرة!! بتهيألي اقول بدأ الإبداع والرغي و.....الطفاسة

وربنا يوفق كل اللي بيذاكر

كل عام وأنتم بخير

بعض الهدوووووووء

السلام عليكم... علي جنب ياسطه... ردي علي التليفون يازينب... لو سمحتي قومي ساعديني... إحنا النهاردة هناخد موضوع جديد في تاريخ مصر القديم... إزيك ياخوخه بقالي كتير مشوفتكيش... خلي حياتك بالأمل أحلي حياة وإبدأ طريقك للي تتمني لقاه... لوسمحتي هوا الاتوبيس ده بيعدي على رمسيس؟... ممكن تعمليلي كوباية شاي؟... إن شاء الله ميعادنا الخميس الجاي إوعي متجيش... يا أمي برنامج خدعوك فقالو بدأ... قومي إعملي السلطة لو سمحتي... هيا الخياطة خلصت الهدوم؟... هيا إمتحاناتنا هتبدأ إمته... إنتوا أصلا دفعة متستهلش إني أدخلها عشان كده هديكو الكتاب وانتو اتصرفو.... يا أحمد قوم صلي يلا... يا خديجه تليفون عشانك... هوا العيد هيكون يوم إيه...............................................................

ساعات الواحد بيكون نفسه يقعد لوحده مش عايز يسمع صوت مش عايز حد يكلمه مش عايز حد يطلب منه حاجه
حتي لو يقعد بين ألف واحد بس يكون كلهم ساكتين
عايز شوية هدووووووء

بس المشكلة انه مش بيلاقى الهدوء ده حتي لما بيكون في بيته وعلي سريره لازم يكون فيه مصدر إزعاج موجود في كل مكان
لذلك قررت بعد الإمتحانات إن شاء الله إنه ميعديش أسبوع غير لو خرجت في مكان هادي ممكن أروح حديقة هادية أو أقعد علي النيل شويه
عشان انعم ببعض الهدووووووووووووووووووء